Kadalasan, kombinasyon ng lifestyle factors, genes, at hormonal imbalances ang dahilan ng alopecia. Narito ang mga karaniwang alopecia causes:

• Namamana (genetic factors): Kung may family history ng pagkakalbo, mas mataas ang posibilidad na maranasan din ito.²
• Matinding stress: Pisikal o emosyonal na stress ay maaaring magdulot ng sabay-sabay na paglagas ng buhok.
• Kakulangan sa nutrisyon: Kapag kulang sa protina, iron, zinc, o vitamin D, humihina ang buhok at mas madaling maputol o malagas.
• Puyat at bisyo: Ang kakulangan sa tulog, paninigarilyo, o labis na pag-inom ng alak ay nakakaapekto sa cell repair at sirkulasyon ng dugo sa anit.
• Ibang gamot: May mga medication na maaaring makadulot sa drug-induced alopecia, katulad ng blood thinners, beta blockers, at antidepressants.³

Maaaring magsimula ang alopecia sa pagnipis at biglaang pagkawala ng buhok.

Karaniwang senyales:

• Pag-recede ng hairline.
• Pagnipis ng kapal ng buhok.
• Bilog-bilog na patches sa anit o balbas.
• Pangangati o pamumula sa anit bago tuluyang malagas.

Kung mapansin mong mabilis lumalala ang kondisyon mo, mas mabuting magpakonsulta agad sa doktor.

Hindi maaaring maiwasan ang alopecia o patchy hair loss.⁴ Pero, may mga paraan para mapabagal ang pagnipis ng buhok:

1. Stress management

Kapag madalas kang tense, mas mabilis mapagod ang hair follicles at mas madaling malagas ang buhok.

2. Tamang pagkain

Siguraduhing ang diet ay sapat sa nutrients na kailangan ng buhok para manatiling malusog, katulad ng protein, zinc, at iron.

3. Umiwas sa ibang mga gamot at produkto

Iwasan ang mga gamot na maaaring mag-induce ng alopecia, pati na rin sa mga hair products na may harsh chemicals. Gumamit ng shampoo at conditioner na walang silicones at parabens sa ingredients.⁵

4. Mag-ingat sa hair care routine

Iwasan ang sobrang pagpapa-kulay, pagpapa-blowdry, o paghila sa buhok.

5. Sapat na pahinga

Kapag kulang sa tulog, bumabagal ang cell repair na mahalaga para sa pagtubo ng bagong buhok.

Kailan dapat kumonsulta sa doktor?

Magpatingin agad kung:

• Mabilis o biglaan ang pagnipis ng buhok.
• Lumalaki ang bald patches.
• Nawawala rin ang buhok sa kilay, pilikmata, o balbas.
• May pamumula, hapdi, o sugat sa anit.

Mas maagang diagnosis, mas maagang maga-gamot. Ang doktor ang makakapagbigay ng tamang gabay base sa kondisyon ng iyong buhok at anit.

Maaaring magreseta ang iyong doktor ng mga gamot sa alopecia tulad ng:

• Finasteride, na tumutulong bawasan ang DHT at mapabagal ang hair loss.⁵
• Minoxidil, na pinapahid sa anit para pasiglahin ang pagtubo ng buhok.⁶

Dapat may gabay ng doktor ang paggamit ng gamot. Iwasan ang self-medication.

Sa GoRocky, mabibigyan ka ng quick, easy, and free online medical assessment – isang licensed doctor na ang titingin at magbibigay ng tamang gabay para sa’yo at sa kailangan mong treatment. Lahat ay ginagawa discreetly at 100% online.

Sagutan mo na ang online assessment ngayon!